HET JY GEWEET HOE BELANGRIK IS OOGOEFENINGE? WAAROM EN WATTER OOGOEFENINGE IS TOEPASLIK VIR MY KLEUTERS?

Wel, daar kan baie redes wees waarom kinders reeds van jongs af bril dra. Die belangrikheid waarna ons vandag wil kyk is waarom jy as kleuterskool juffrou hierna moet oplet en hoe jy moontlik ’n bydra kan lewer tot beter visuele vaardighede.

Al hierdie tekens kan ook moontlik ander oorsake hê, maar wanneer jy twee of meer van hierdie waarneem is dit nodig om die ouers in kennis te stel en ’n oogtoets aan te beveel. 

As juffrou is daar nie veel wat jy aan die visuele skerpheid (hoe goed die oog kan sien) kan doen nie, maar deur vroeg op te let na die tekens en die kind na ’n oogkundige te verwys kan ’n wêreld se verandering in die kind se skool en algemene funksionering teweegbring.

Wat jy as juffrou wel kan doen is om die ontwikkeling van oogbewegings aan te moedig. Wat is voldoende oogbewegings? Dit verwys na die kind se vermoë om ’n objek te volg in spesifieke rigtings, op sekere afstande en met ’n sekere mate van kopstabiliteit. Dit hang af van ouderdom tot ouderdom wat die spesifieke vereistes is. 

Die uiteinde, naamlik gladde oogbewegings, verwys na die vermoë om ’n objek horisontaal en vertikaal te kan volg met gladde oogbewegings terwyl die kop stil gehou word. Gladde oogbewegings kan min of meer van middel Graad RR verwag word. 

1. Op kleuterskoolvlak is die gebruik van die oë noodsaaklik soos reeds genoem vir legkaartbou, vind die verskille, soek die geel blokkie ens. Indien ’n kind nie goed kan skandeer nie, sy oë nie vinnig kan beweeg nie en hy sukkel om te fokus kan dié aktiwiteite vir hom ’n uitdaging wees en mag hy dalk nie vir lang tye hieraan wil deelneem nie. Dit het ’n effek op sy geleentheid vir die ontwikkeling van visuele persepsie vaardighede, wat die fondamentele basis vorm vir lees, skryf en wiskundige vaardighede. 

Lees is ’n kind se belangrikste vaardigheid op skool. En een van die menigte aspekte wat lees beïnvloed is oogbewegings. Ons gaan nie ons kleuters leer lees nie, maar ons kan hulle optimaal ontwikkel om gereed te wees vir die aanleer van lees wanneer hulle Graad 1 inkom deur die nodige fondamentele vaardighede, waarvan oogbewegings een is, te stimuleer. Gladde oogbewegings stel ’n kind in staat om met spoed te kan lees, om reël vir reël te kan lees en nie woorde of lyne oor te slaan nie. Dit help ook ’n kind dat letters stilstaan en hy goed gefokus kan wees

Vinnige oogbewegings is noodsaaklik vir leesspoed, skandering (om iets te soek), om jou plek op ’n bladsy te vind ens. Dit kan dus ’n kind se werkspoed beïnvloed en frustrasie veroorsaak. 

Goeie konvergensie (soos om op die bord te kyk en dan weer naby op jou boek te kan fokus) is baie belangrik vir skool omdat dit amper die heeldag gedoen word. 

Om die kop te kan beweeg afsonderlik van die oë en andersom is noodsaaklik vir ’n stabiele visuele veld, goeie fokus en visuele aandag.